– Ferjekøen strekkjer seg til oppforbi butikken. Heilt talentlaust!
Plus
Ved inngangen til pinsehelga gjekk det frå vondt til verre i sambandet Gjermundshamn–Varaldsøy–Årsnes fredag kveld.
Som Kvinnheringen meldte tidlegare fredag, starta problema i denne omgang torsdag ettermiddag då A-ruta fekk driftsproblem og blei innstilt. Vel ein halvtime seinare kom det ny melding om at trøbbelet også gjekk utover B-ruta i sambandet.
Fredag meldte Fjord1 at det skulle bli normal drift i sambandet frå klokka 11.30, og at ferja MF Sogn skulle gå inn for MF Sildafjord i A-ruta. Men det blei kortvarig glede. I 14.40-tida meldte Fjord1 at A-ruta igjen ville bli innstilt frå klokka 19 på kvelden.
Med berre B-ruta i drift hopa det seg heftig opp med bilar på ferjekaiane. På Gjermundshamn var alle tre felta på kaien fulle, tipsa ein frustrert reisande til Kvinnheringen.
– Eg kan meddela at køen no strekkjer seg opp forbi butikken... Heilt talentlaust! skreiv ho rundt klokka 19.38.
Fjord1 påstår at A-ruta vil bli opna opp igjen klokka 08.00 laurdag morgon.
Norled meldte òg om forseinkingar i Fjelberg-sambandet på grunn av mykje trafikk fredag kveld.