Herold

Brannvesenet måtte rykke ut til Solvang i Førde. Kva som utløyste alarmen, er ukjent.

– Vi rykker ut etter ein automatisk brannalarm, fortel Tore Fanebust, vaktleiar ved 110 Vest fredag ettermiddag.

Vaktleiaren fortel at alarmen har gått i Solvang-området i Førde.

Innleiingsvis fortale vaktleiaren at det etter alle solemerke framstod som lite dramatisk, men som alltid: Utrykkinga går ut.

På staden, som var ei privatadresse, viste det seg å vere lite spor etter brann eller røyk. Faktisk var det lite svar å få kring kva årsaka var i det heile.

– Alarmen synte seg å vere utløyst utan påviseleg grunn, seier Fanebust.

Han fortel at brannvesenet difor har køyrt i retur.