Herold

I løpet av første kvartal flytta 134 personar frå Kinn kommune.

Nye tal frå Statistisk sentralbyrå viser at folketalet i Kinn gjekk ned med 32 personar i første kvartal 2026. Ved utgangen av kvartalet var det 17.324 innbyggarar i kommunen, melder Kinn.kommune.no.

Sjølv om Kinn hadde eit positivt fødselsoverskot med 38 fødde og 27 døde, er netto innanlandsk flytting framleis negativ. I løpet av første kvartal flytta 134 personar frå Kinn til ein annan kommune i Noreg, medan 74 flytta*til* kommunen. Det gir ein netto innanlandsk utflytting på 60 personar.

Innvandringa til Kinn er også låg samanlikna med dei siste åra, og ligg no på nivå med 2020 og 2021. I første kvartal var det 36 personar som innvandra til kommunen.

Tala viser at utflytting framleis er den største årsaka til nedgangen i folketalet i Kinn.

I 2022 - 2024 var det årleg vekst i folketalet, men i 2025 gjekk folketalet ned med 63 personar. Og første kvartal i år gjekk det altså ned med ytterlegare 32 personar.