Herold

– Me er veldig stolte av resultatet, ingen i Noreg har gjort dette før så det er veldig kjekt!

For aller fyrste gong stilte Noreg med eit lag i den prestisjetunge Global Pastry Challenge i Wales, og vossing Synva Gjerde Knapstad (23) var ein del av laget.

Saman med resten av gjengen sikra ho ein sterk andreplass.

– Gullet gjekk til Singapore, medan Mexico kapra tredjeplassen, fortel ho.

I verdstoppen

Konkurransen vart arrangert 16. mai, og Synva har tidlegare fortalt at det har vore eit halvt år med knallhard trening og utfordringar.

– Det har vore litt av eit maraton! Eg har måtta jobba mykje med psyken undervegs i prosessen.

Sjølve konkurransedagen bydde også på nokre utfordringar for det norske laget, då dei måtte temperera all sjokoladen for hand og starta ein halvtime bak skjema. Likevel klarte dei å levera alt innan tidsfristen.

Sjølv om håpet om gull var sterkt, er det norske laget utruleg stolte over prestasjonen.

– Det er jo kult at me har fått moglegheita til å delta og vera dei fyrste til å representera landet vårt.

No kan dei gleda seg over velfortent sylv og ei historisk bragd som viser at Noreg for alvor har meldt seg på i verdstoppen innan konditorkunst.

Synva (23) etter historisk konditor-tevling: – Eit maraton!

Har du fått med deg desse? (reelskarusell)