Herold

NHO sitt kompetansebarometer viser at norske bedrifter mangla nærare 34.000 tilsette i 2024. Størst var mangelen på fagarbeidarar og folk med fagskuleutdanning (høgare teknisk fagutdanning). Over 70 prosent av bedriftene etterspør fagbrev, og bortimot like mange treng folk med fagskulekompetanse. Det merkast ekstra godt på Haugalandet, kor industri, maritim, bygg, energi og helse ropar etter kvalifisert arbeidskraft.

Samtidig peikar Fagskolemeldinga på at yrkesfagløpet bør utvidast med utdanninger på nivå med universitets- og høyskolefag. Det krev investeringar. Senterpartiet har budsjettert med nytt bygg for Fagskolen Rogaland for å kunne levere frå første dag. Fagskolen sin avdeling i Haugesund bør om ikkje lenge kunne gi tilbod om for eksempel yrkesbachelor og yrkesamaster i maritime fag.

I Senterpartiet sitt fylkesbudsjett blir det lagt til rette for eit yrkesfagløft i Rogaland med tydeleg retning for å styrke yrkesfaglege tilbud, bygge kapasitet på skulane og sikre et fagskuletilbud som møter det enorme kompetansebehovet.

Senterpartiet vil auke kvalitet og kapasitet ved dei skulane som har yrkesfaglege linjer. Dette vil få ned karaktersnittet, gi fleire mulighet til å få fagbrev og komme tidleg ut i arbeidslivet. Ved å satse på dei eksisterande skulane får me i tillegg brukt den kompetansen og miljøa som finst blant lærarane.

Yrkesfag er ein nøkkelfaktor til å halde hjula i gong både i dag og for å skape nye framtidige vekstnæringar på Haugalandet. Å satse på yrkesfag er ei investering i arbeidslivet, for næringslivet, for ungdommen og for å oppretthalde statusen som Norges beste yrkesfagfylke.