Herold

Eva Røyrane kjem til Ramsgrø gard for å presentera boka Naustlandet 27. mai.

Kik-Sunnhordland og verdiskapingsprosjektet «Framtid for kulturhistoriske sjøbruksbygningar i Sunnhordland» arrangerer temakveld i samarbeid med Ramsgrø gard på Lyngstrand.

Forfattar Eva Røyrane kjem til båtbyggarverkstaden for å presentera boka Naustlandet.

«Dette er siste kveld i Sunnhordlandsturneen, kor både Naustlandet og verdiskapingsprosjektet er presentert for alle kommunene i regionen. Kvelden er også ei markering på det nyleg gjennomførte restaureringsarbeidet på båtbyggarverkstaden», står det å lesa i ei pressemelding.

Kvelden opnar med Hilde Solli frå Ramsgrø gard, som vil fortelja om arbeidet med å restaurera båtbyggarverkstaden, før Kathrine Norum vil presentera verdiskapingsprosjektet. Kvelden vert avslutta med presentasjon av Naustlandet frå Eva Røyrane.

«Arrangementet rar for seg viktigheita av bevaring av gamle sjøbruksbygg, både som kulturminne og kulturmiljø, i tillegg som moglege ressursar i lokalmiljøet. Dette er aktiviteten på Ramsgrø gard eit godt eksempel på», heiter det i pressemeldinga.

Tar vare på arven etter båtbyggjar Jørgen Ramsgrø

No blir denne gamle båtbyggarverkstaden på Lyngstranda kulturminne – får 150.000 i støtte til restaureringa