Sjå korleis kvalrossen Magnus kom seg om bord: Ligg ennå i båten og søv, 12 timar etter at han kapra farkosten
Plus
Kvalrossen som tidleg fredag morgon kara seg oppi ein båt ved hyttefeltet på Leidland, ligg klokka 20:15 ennå om bord og søv.
Det var Liv Janne Nergaard og Thomas Chruickshank som tidleg fredag morgon oppdaga kvalrossen symjande like ved båtanlegget til hyttefeltet på Leidland. Då det viste seg at den kraftige pluggen ikkje hadde tenkt å tilbringa dagen plaskande rundt i Norda Sundet, men snarare var på jakt etter ein passande kvileplass i morgonsola, tok Liv Janne fram mobilen og filma han idet han kara seg om bord i båten til ein av hyttenaboane, Frode Breines.
Ein kvalross går om bord
Klokka 20:15 opplyser Nergaard og Chruickshank til Dalane Tidende at kvalrossen ennå ligg i båten på Leidland og søv. Det er snakk om den unge hannen Magnus, som i sist månad var på tokt rundt kysten i Skottland. Enten tok det på kreftene hans å kryssa Nordsjøen, eller så har han bare eit svært godt sovehjarta.
Oppdatering: Litt før klokka 21:30 var Magnus lei av båtlivet, og sannsynlegvis utsoven. Då fann han det for godt å stikka til havs, observerte Liv Janne Nergaard og Thomas Chruickshank.
Båtanlegget på Leidland: – Lurer på om forsikringa dekker kvalrossbesøk?