Frivillige blir feira med sommarfest ved kyrkja
Plus
Vaksdal sokneråd inviterer til sommarfest for frivillige og open vårkveld i kyrkja tysdag 19. mai. Oddny Miljeteig og Ruben Gjertsen står for praten og musikalske programmet.
Soknerådet startar kvelden med ein eigen fest for dei frivillige medarbeidarane i soknet. Samlinga skjer på plassen bak Vaksdal kyrkje, før det opne arrangementet tek til. I fjor deltok 35 personar på denne markeringa av frivillig innsats.
Etter sommarfesten held programmet fram inne i kyrkja. Oddny Miljeteig, som sit i Bjørgvin bispedømmeråd, skal her halda føredrag. Ho har valt tittelen «Gudstru mellom bratte fjell» for kvelden.
- Oddny er ei engasjert dame som her viser si kyrkjelege side, seier Tove Margrete Nordmark i Vaksdal sokneråd.
Komponist Ruben Gjertsen skal spela under vårkvelden. Arrangementet er lagt opp som ein open kveld for alle interesserte.
- Det er gratis inngang på arrangementet i kyrkja, opplyser Nordmark.