Herold

Arbeiderpartiet meiner vi ikkje må svikte dei eldre i kulturpolitikken. Mellom anna har vi stemt nei til å leggje ned Den kulturelle spaserstokken. Dette er ei ordning retta mot eldre på sjukeheimar, slik at dei får tilgang til konsertar og andre kulturelle aktivitetar. Mellom anna kan ein søkje om støtte til demenskor. Dette er lågterskeltilbod for eldre som ikkje kan nytte seg av andre kulturtilbod.

Saka om den kulturelle spaserstokken har vore oppe til votering fleire gongar, og Arbeiderpartiet har fått fleirtal for at dei eldre skal få behalde ordninga. Dessverre har posisjonen med Frp, Høgre, V og Krf svikta når det kjem til løyving av midlar. Sjølv om Krf fleire gongar har gått ut og støtta ordninga, har dei stemt nei når pengane skal løyvast.

Er vi villige?

I siste fylkesting kom Arbeiderpartiet nok ein gong med forslag om å løyve midlar til den kulturelle spaserstokken, og nok ein gong blei forslaget nedstemt. I staden blei det vedteke at ein skulle ha ei sak om «reetablering av Den kulturelle spaserstokken», og «forslag til finansiering og moglege prioriteringar innanfor eksisterande rammer» Enkelt forklart: Det skal ikkje koste noko, eller så skal ein ta midlar frå andre kulturtiltak»

Når Høgre, Frp, Krf og V i Tidens Krav 12. mai peiker på at «kultur for eldre handlar om menneske – ikkje ordningar» er Arbeiderpartiet heilt einig i det. Men då må vi og vere villig å betale det det kostar. Er de villige til det?

Eldrerådet støtta 7 mai at ein skulle jobbe vidare med ei ny kultursatsing med eldre som målgruppe. Når H, Frp, Krf og V i Tidens Krav viser til at eldrerådet støttar dette, gløymer dei det siste punktet «Eldreådet ber om at lavterskeltilbod for eldre blir auka med tre million frå 1. januar 2027»

Ikke gratis

Same dag som innlegget blei publisert i Tidens Krav var saka oppe i Kultur – og folkehelseutvalet, og då blei følgjande vedteke «Ei ny og meir heilskapeleg kultursatsing for eldre kan ikje finansierast innanfor eksisterande rammer. Fylkestinget bes finne handlingsrom til ordninga i kommande budsjett og økonomiplan»

Er Frp, Høgre, Krf og V på gli? No skal det likevel ikkje finansierast gjennom «eksisterande rammer? Vil dei verkeleg satse meir på kultur for dei eldre? Svaret får vi til hausten når budsjettet skal vedtakast

Dersom KrF får med seg Frp og resten av posisjonen, skal Arbeiderpartiet sjølvsagt støtte ei auka kultursatsing for eldre. Ja, kultursatsing handlar om menneske – men det er heller ikkje gratis.

Krever bedre og mer systematisk samarbeid mellom kommuner og frivilligheten

Kultur for eldre handlar om menneske – ikkje ordningar