Herold

Årsmøteuttale 2025 frå Folgefonn Senior Høgre, vedteke 1. desember 2025:

Norge treng ein ny og meir offensiv politikk for desentralisering av statlege arbeidsplassar. I mange år har utviklinga gått i motsett retning. Stadig fleire arbeidsplassar, fagmiljø og avgjerdsliner blir samla i Oslo-området. Dette svekkar både distrikta og staten som heilskap.

Folgefonn Senior Høgre meiner tida no er inne for ei brei, politisk satsing på utflytting av statlege organ og etatar til byar og tettstadar over heile landet. Norge er eit desentralisert land i geografien, då må vi òg vera det i organiseringa av staten.

Vi har sett at det er fullt mogeleg å lukkast. Under regjeringa 2001-2004, med dåverande arbeids- og administrasjonsminister Victor Norman, Høgre, vart fleire statlege etatar flytta ut av Oslo. (Sjå faktaboks.) Flyttinga skapte nye og sterke fagmiljø i regionane, og gav positive ringverknader både for næringsliv, arbeidsmarknader og lokalsamfunn. Erfaringane frå denne perioden viser at staten ikkje berre toler desentralisering, staten tener på det.

Når statlege arbeidsplassar blir spreidde utover landet, får vi:

Folgefonn Senior Høgre oppmodar regjering og storting om å leggje fram ein forpliktande og konkret plan for vidare utflytting av statlege arbeidsplassar. Dette må gjerast systematisk, med mål om å byggja opp fagmiljø i distrikta. Det totale statsapparatet bør bli mindre enn i dag, ikkje minst som følgje av auka bruk av KI. Ny aktivitet bør alltid skje utanfor det sentrale austlandsområdet.

Det er på tide å gjera ord til handling. Staten er heile landets eigedom og arbeidsplassar og fagmiljø må spegla dette. Desentralisering av statlege arbeidsplassar er ikkje symbolpolitikk. Det er klokt, framtidsretta og nødvendig for eit meir balansert Norge.

FAKTA:

Victor D. Norman (1946 – 1924) frå Høgre, var arbeids- og administrasjonsminister i Bondevik II-regjeringa 2001–2004. Under hans periode som statsråd ble 8 statlege tilsyn/-myndigheiter flytta ut av Oslo med i alt omkring 900-1000 arbeidsplassar.

Dei åtte tilsyna var; Luftfartstilsynet (Bodø), Arbeidstilsynet (Trondheim), Konkurransetilsynet (Bergen), Sjøfartsdirektoratet (Haugesund), Petroleumstilsynet (Stavanger), Post-teletilsynet (Lillesand), Direktorat for beredskap- og samfunnstryggleik (Tønsberg) og Medietilsynet (Fredrikstad).