Herold

Den eldre mannen vart funnen uskadd av politiet.

Klokka 10:49 torsdag melde politiet at mannen vart funnen i god behald.

– Han er uskadd, men kald. Ambulanse er på veg for å undersøkja mannen, opplyste operasjonsleiar Bjarte Rebnord hjå Vest politidistrikt.

Politiet sette saman med Hovedredningssentralen i verk ein redningsaksjon i samband med at ein person vart meld sakna i Skulestadmo på Voss.

– Den sakna er ein mann i midten av 70-åra, opplyste Rebnord.

Kart med ID 541281

Politiet bad publikum om tips.

Uroa for mannen

Til BT sa politiet at dei var uroa for mannen.

– Me er mest uroa fordi mannen, i verste fall, kan ha forsvunne frå heimen sin tidleg i natt. Og det er ikkje sikkert at han finn tilbake, sa Rebnord til avisa.

Det lukkast ikkje Hordaland å få kontakt med politiet.

Politiet bad om hjelp frå Norsk Folkehjelp, Røde Kors og Norske Redningshunder. Brannvernet vart også kalla ut for å hjelpa.

– Vaktlaget er varsla. Dei møtte på stasjonen og venta på delegering på kva som skjer vidare, sa Bjørn Dolve hjå Voss brannvern.

Politiet melde om hendinga klokka 10:16 torsdag.

Smartembed for https://services.api.no/api/componenthub/v1/dashboard?component=reels-carousel_reelsCarousel&publication=www.avisa-hordaland.no&tag=reel&title=Har+du+f%C3%A5tt+med+deg+desse%3F&limit=20&source=www.avisa-hordaland.no