Herold

Det er sett opp skilt i Vangsgata om at vegen er stengd onsdag kveld.

Rundt klokka 17 onsdag kveld er det sett ut skilt om at Vangsgata er stengd.

Verken Statens vegvesen eller Voss herad har informasjon om kvifor vegen er stengd.

Men leiar i Voss sentrum, Tiril Moen Eldegard, har svaret:

– Voss brannvern skal spyla Vangsgata før 17. mai. Dette gjer dei på dugnad etter førespurnad frå oss i Voss sentrum, seier ho.

Vegen vil vera stengd fram til klokka 21.

Ifylgje Eldegard fekk Voss herad, Voss parkering og politiet beskjed førre veke. Butikkane i Vangsgata skal også ha blitt informerte.

– Dette er berre ei kjekk hending. At det blir reint og fint til 17. mai.

Og her kan du sjå brannvernet i aksjon:

– No blir det reint og fint til 17. mai

Salutt, tog og folkefest. Slik vert årets nasjonaldag

Sender ut melding til alle foreldre: – Me har ikkje sett dette omfanget tidlegare