Herold

I samband med arbeid på ei tomt er det planlagt stenging av Åbergevegen i Sogndal.

– Det er privat grunneigar og entreprenør som har søkt og fått godkjent vegstenging. Dei har ikkje sett eit konkret tidsrom innanfor perioden dei har oppgjeve frå 11. mai til 26. juni. Men dei kjem til å opplysa om dette med skilting i Åbergevegen, skriv Sogndal kommune på si nettside.

Det skal gjennomførast støypearbeid og betong-/pumpebil må stå i vegbana medan arbeidet går føre seg.

– Difor må vegen stengjast i periodar på inntil tre timar. Det er estimert behov for to slike stengingar, opplyser kommunen.

Stenginga skal føregå utanom «rush-tid» og truleg mellom klokka 10:00 og klokka 14:00.

– Det er ikkje avklart kva dagar stenginga skal skje på, men dette vil bli varsla om i god tid til aktuelle etatar. I tillegg blir det sett opp informasjonstavle med dato og klokkeslett for stenging i forkant.

Mjuke trafikantar skal kunne passera arbeidsområdet.