Fleire tok abort etter veke 12
Det er ein liten oppgang i abortar utført etter 12. veke frå 5,2 prosent i 2024 til 5,6 prosent i 2025. Det skriv Folkehelseinstituttet (FHI) i ei pressemelding.
I 2025 blei det gjennomført 13.211 abortar samanlikna med 12.839 året før.
Ni av ti abortar vert utført innan utgangen av 10. veke, ni av ti abortar vert utført ved hjelp av legemiddel og sju av ti medikamentelle abortar før 10. veke vert avslutta utanfor sjukehus.
Den nye abortlova trådde i kraft 1. juni 2025, og grensa for sjølvbestemt abort vart flytta frå utgangen av 12. veke til utgangen av 18. veke.
– Som før ser vi at utviklinga i fødselstala og aborttala følgjer kvarandre. Når fødselstala aukar, plar aborttala òg å auke. Det ser vi også på tala for 2025, seier overlege Mette Løkeland-Stai i Abortregisteret, Folkehelseinstituttet.