Herold

Om nokre få år kan det kome ei stor, ny turisthytte langs Lysefjorden.

– Dette har me jobba med i minst ti år, fortel Preben Falck. Han er dagleg leiar i Stavanger Turistforening.

Organisasjonen har nyleg søkt kommunen om å bygge ei hytte i Lysefjorden. Dette er eit ledd i storsatsinga på den 105 kilometer lange rundløypa Lysefjorden Rundt.

– Det er ein flott tur, men den manglar litt her og der for å få passelege dagsetappar. Denne hytta vil korte ned turen mellom Flørli og Lysebotn. I dag er det ein veldig lang og tung tur, seier Falck.

Kan bli komplisert

Hytta skal byggast i området rundt Kvernafjell.

Godkjenning frå kommunen er første steg. Om dei får tillating for å bygge, har dei tre år på seg til å realisere prosjektet.

Dette er eit LNF-område, og kommunen må gi unntak frå byggereglane for at prosjektet skal bli noko av.

Kostnaden er ikkje avklart.

– Me har ikkje begynt på finansieringa, seier Falck.

Målet er å bygge så fort som mogleg, men med høgare byggekostnadar og bygging i eit svært avsidesliggande område, kan det bli ein dyr affære.

– Veldig flott

– Me trur det vil bli veldig flott, seier Falck.

Det er eit eigedomsselskap i Oslo, Avantor, som eig området hytta skal byggast i.

I skissene er det teikna inn 34 sengeplassar.

Heile hytta har eit bruksareal på 240 kvadratmeter.

Kart: Hytte

Reelsvideoer SoMe – LEGG DENNE NEDERST I ALLE SAKER