Herold

Brannstasjonen i Florø har kosta kommunen mange millionar – før sjølve bygginga har starta.

I formannskapet tysdag stilte Venstre-politikar Jacob Nødseth spørsmål om kor mykje pengar som har gått med til brannstasjonen i Florø så langt, før sjølve bygginga har starta.

Stiller spørsmål om brannstasjonen og Florøhallen

Og han fekk svar frå ordførar Bengt Solheim-Olsen:

Ifølge rekneskapen har Kinn kommune brukt 28,5 millionar kroner på brannstasjonen frå januar 2021 til og med mars i år.

Av dette er 9,6 millionar interne lønskostnadar gjennom heile perioden, det er inkludert prosjektleiing, prosjektgruppe, drift, involvering etc. Arbeidsgjevaravgift, KLP og liknande utgifter er også inkludert i dette.

8,4 millionar kroner har gått til utfylling og planering av tomta, inkludert plastring mot sjø, og nesten ein million gjekk med til riving av eksisterande bygg på tomta.

2,3 millionar har gått med til prosjektering og 2,8 millionar til arkitektbistand til det som er dagens brannstasjonsprosjekt.

Vel 3 millionar har gått med til ekstern bistand frå arkitektar, rådgjevarar, juristar, hjelp til KOFA-handsaming m.m. på førre brannstasjonsprosjekt, og det har gått med ein million til "andre diverse kostnadar", står det i svaret frå ordføraren.

Rundt fire millionar kroner av kostnadane er meirverdiavgift med rett til kompensasjon, og renteutgiftene på byggelånsrentene er på 385.700.

Meirforbruk i Kinn-økonomien – men likevel betring i sikte