Herold

Klokka 02.35 natt til laurdag fekk politiet melding om ei trafikkulykke på Fv57 Dalsvegen i Fjaler kommune.

Éin bil var involvert i ulykka, og airbagen hadde løyst seg ut.

Då naudetatane kom til staden, sat det éin person i bilen. Sjåføren, ein mann i slutten av tenåra, var vaken og ved medvit, men skadeomfanget er elles ukjent.

Mannen fekk tilsyn av helsepersonell på staden.

Politiet kom fram rundt klokka 03.31 og fatta mistanke om at sjåføren hadde køyrt i ruspåverka tilstand. Han vart derfor tatt med til legevakt for blodprøve.

Operasjonsleiar Bjarte Rebnord ved Operasjonsentralen fortel til Firda laurdag morgon at mannen mista førarkortet sitt etter hendinga.

Klokka 04.09 var naudetatane ferdige på staden.