Herold

Bremanger kommune er svært uroa over regjeringa si utlysing av ny konkurranse om regional flyrutedrift i Sør-Noreg, med anbodsfrist 23. juni 2026. Særleg reagerer vi på dei foreslåtte reduksjonane i rutetilbodet ved Florø lufthamn, der talet på daglege avgangar til Oslo er foreslått redusert frå tre til to.

Bremanger kommune stiller seg fullt og heilt bak innspela frå Kinn kommune, Helse Førde og Region Fjordane, samt dei sterke signala frå næringslivet i regionen. Vi meiner forslaget vil få store negative konsekvensar for busetnad, næringsutvikling, beredskap og helsetenester langs kysten.

For Bremanger kommune er flyplassen i Florø ein avgjerande del av infrastrukturen. Store delar av arbeidslivet vårt er internasjonalt retta og avhengig av raske og føreseielege samband til Oslo og vidare ut i verda. Kjemisk industri, bergverksindustri, fornybar energi, marin sektor og reiseliv skaper store verdiar og mange arbeidsplassar i regionen. Desse er heilt avhengige av eit flytilbod som fungerer i praksis – både for kundar, samarbeidspartnarar og tilgangen på kompetent arbeidskraft. Naudsynt og føreseieleg infrastruktur er og ein føresetnad for vidare utvikling av og nye investeringar i desse næringane.

Eksportnæringane langs kysten står for verdiskaping i milliardklassen kvart år, og norsk sjømateksport har dei siste åra sett nye rekordar nasjonalt. Når regjeringa samtidig foreslår å svekke infrastrukturen som bind distrikta til resten av landet og marknadene ute i verda, sender det heilt feil signal til næringslivet og lokalsamfunna våre.

Vi vilòg understreke dei alvorlege konsekvensane dette kan få for helsetenestene i regionen. Helse Førde har peika på kor viktig eit godt flytilbod er for pasientreiser, rekruttering av spesialistkompetanse og samhandling mellom sjukehus og kommunar. I ein region med lange avstandar og krevjande geografi er raske transportløysingar heilt nødvendige.

I tilleggkjem omsynet til beredskap og tryggleik. Kystkommunane i regionen har stor aktivitet, lange avstandar og sårbar infrastruktur. Då er det avgjerande med stabile og gode flysamband – ikkje ei nedbygging av tilbodet.

Bremanger kommunevil samtidig understreke at alle flyplassane i tidlegare Sogn og Fjordane er like viktige for utvikling, busetnad og beredskap i fylket. Regionen vår er kjenneteikna av fjordar, fjell og store avstandar, og flyplassane fungerer samla som eit livsviktig transportnett for innbyggjarar, næringsliv og offentlege tenester. Ei svekking av eitt tilbod får konsekvensar langt utover den enkelte kommunen.

Bremanger kommune med ordførar og partifelle til Samferdselsminister Jon-Ivar Nygård forventar at regjeringa tek inn over seg dei samla signala frå kommunane, helsesektoren og næringslivet i regionen, og sikrar eit flyrutetilbod som er tilpassa dei reelle behova langs kysten av Vestlandet.

Distrikta treng sterkare kommunikasjonar for å kunne vekse og utvikle seg – ikkje dårlegare.