Herold

Vegvesenet gjer nattarbeid på tre punkt på strekninga førstkomande veke.

Natt til måndag, tysdag og onsdag, blir det stengd på rv. 13 mellom Sogndal og Hella, frå klokka 23.00-05.30.

– Vi skal skifte ut massar for å hindre setningar i veggrunnen. Dette er forarbeid til legging av ny asfalt, seier byggjeleiar Heidi Strandos i Statens vegvesen.

På dei tre punkta vil vegen vere stengd medan jobben går føre seg.

– Vegen er smal, og det er ikkje mogleg å gjere jobben utan å stenge han, legg Strandos til.

Onsdag blir det asfaltering på dei tre punkta. Jobben tek om lag ein time, og då blir vegen stengd på same måte.