Herold

Bestemor i Vågan skal sendast til Napp. Skolebarna på Laupstad og i Digermulen til Svolvær. Etter 2027 kan resten av distriktsskolane vere lagt ned. Kommunestyret vil selje Lofotkraft-aksjar, og eigemonsskatten er auka til det som er lov å ta. Men det er ikkje nok for å få økonomien i ballanse!

Vågan formannskap har vore på ROBEK-samling med KS. Der fekk vi vite at Finansdepartementet (regjeringa) har planlagt å kutte ramma til kommunane fram mot 2035 med 50 milliardar!

Riktig nok med ei påplussing for auke i talet på eldre. Av desse 50 milliardane skal 12 takast ved å legger ned skolar og 38 ved å «effektivisere» kommunane. Det er kutt for 50 milliardar i tillegg til det som kommunane no planlegg å kutte for å komme ut av Robek!

For Vågan betyr det at vi først må kutte 20 millionar som vi årleg går i minus. I tillegg må vi kutte 170 millionar i oppsamla underskot fordelt over 8 år, pluss 100 mill over 8 år for å bygge opp disposisjonsfondet, pluss eit ukjend kutt for annonsert renteauke, og til slutt ta delen vår (ca 100 mill) av dei 50 milliardane. Til saman må Vågan kommune ha ei årleg drift som er minst 200 millionar lågare enn i dag, innan 2035. Det er sju gongar meir enn det vi ville spart om vi la ned ALLE distriktsskolane – eller minst 230 færre stillingar!

Alle partia i Vågan utanom Raudt meiner dei skal få oss ut av Robek ved å kutte utgifter. Derfor er bestemor til Flakstad og nedlegging av to skolar berre starten. Eg håper partia er ærlege og fortel veljarane korleis kommunen vår ser ut i 2035 hvis dei får styre.

Alternativt kan dei gå saman med Rødt og reise kommuneopprøret.

· Vi må krevje at staten betaler gjelda si til kommunane på 66 milliardar i form av «premieavviket». Renteutgiftene for Vågan av dette lånet til staten ville vore nok til å drifte Laupstad skole vidare.

· Vi må krevje eit tillegg til kommunane i revidert nasjonalbudsjett på minst 10 mrd. (Det er omtrent prisen Norge skal betale for kvar av dei nye fregattane.)

· Og vi må be regjeringa instendig droppe planane om å redusere ramma til kommunane med 50 milliardar.

· Våre folkevalde skal ikkje kutte i grunnleggande offentlege tenester!