Herold

Sogn og Fjordane Senterungdom reagera sterkt på det store kuttet i det utlyste anbodet på statleg kjøp av flyruter (FOT-rutene) mellom Sogn og Fjordane og Oslo.

26 600 flysete er føreslege kutta i rutetilbodet mellom Sogn og Fjordane og Oslo. I tillegg kjem kuttet i flytilbodet mellom

Sogn og Fjordane og Bergen. Desse kutta er rett og slett distriktsfiendtlege og får konsekvensar for oss som bur og lev i Sogn og Fjordane.

Vi har verken jernbane eller trikk, og vegane våre er rasutsett og mangla gul midtstripe. Til gjengjeld har vi rundt 4000 meter med rullebane fordelt på flyplassane i Florø, Førde, Sandane og Sogndal. Desse fire rullebanene er noko av det viktigaste kollektivtilbodet vi har i fylket og er avgjerande i kvardagen til innbyggjarane våre.

Vi har eit stort og variert næringsliv i regionen vår, og dei er alle avhengig av eit godt, stabilt og politleg flytilbod. Dagleg er går det fulle fly frå Sogn, Sunnfjord og Nordfjord med kommunalt tilsette, med studentar på veg til og frå studiestadane, og ikkje minst med

representantar frå alle dei lokale, nasjonale og internasjonale bedriftene og konserna vi har i fylket vårt. I tillegg kjem alle privatpersonane som dagleg nytta seg av tilbodet. Flya er det kollektive tilbodet vårt. Det er flya som vert nytta når vi skal møte familie til glede og sorg, når vi skal besøke vener og kjede, om vi skal på sjukehus, i militærteneste, eller på ein konsert. Flytilbodet knyt oss alle tettare saman med kvarandre.

Det går fulle fly kvar dag, og passasjertala har auka betrakteleg dei siste åra. Å kutte i dagens

flytilbod er starten på ei rasering av distrikta og stikk i strid med kva regjeringa tidlegare har lova. Senterungdomen krev difor at regjeringa vakna opp og snur i saka. Vi treng eit fullverdig flytilbod i Sogn og Fjordane i dag, i morgon og i framtida.

Nektar å stanse fly-kutta

Pressar på for å få regjeringa til å snu i flyplass-saka