Herold

Vaksdal/Dale/Stanghelle vann 3-0 over Kjøkkelvik på heimebane fredag.

Innbytar Andreas Langeland skåra to gonger, og hadde ein målgivande pasning i ein kamp som losna først etter pausen.

Høgt tempo

Oppgjeret i 6. divisjon mellom Vaksdal/Dale/Stanghelle og Kjøkkelvik 1. mai starta med eit høgt tempo frå heimelaget. I løpet av dei ti første minutta produserte laget tre store sjansar, men fekk ikkje utteljing framfor målet.

- Me slepp oss kanskje litt ned etter dei store sjansane i starten, seier trenar Ronny Boge.

Resten av den første omgangen var prega av få sjansar til begge laga. Stillinga var 0-0 då dommaren bles til pause på kunstgraset på Vaksdal.

Vann med ni spelarar

Langeland avgjorde kampen

Etter pausen tok heimelaget kontroll over spelet. Innbytar Andreas Langeland blei sentral i den andre omgangen. Han skåra to av måla til Vaksdal/Dale/Stanghelle.

- Det var ein mykje betre andre omgang, seier Boge.

Langeland var også involvert i det tredje målet til vertane. Han serverte Remi Skaftun Søvik som sette ballen i mål og fastsette sluttresultatet til 3-0.

Målfest i seriestarten, Osterøy fekk stryk på Vaksdal

Stor breidde i troppen

Sigeren kom på ein dag der trenarteamet måtte gjera fleire endringar i lagoppstillinga. Blant anna var Tonny Tysnes keeper for heimelaget.

- Eg er fornøgd med siger og tre poeng på ein middels dag. Det viser at me har ein stor stall med kvalitet som toler utskiftingar, seier trenaren.

Resultatet gjer at Vaksdal/Dale/Stanghelle sikra seg alle poenga i denne runden av 6. divisjon avdeling 02, og ligg no på topp av tabellen.