Onsdag blir det fullt av politibilar, ambulansar og brannbilar i Sogndal
Plus
Det er ingen grunn til panikk om du skulle høyra både smell og sjå blålys ved Sogndal vidaregåande skule onsdag.
Det er nemleg del av ei PLIVO- øving. Det vil seia at naudetatane i Sogn øver på hendingar med pågåande livstruande vald.
– Alle naudetatane er med, og dei kjem til å halda på frå klokka 16 til 21 onsdag, fortel Steinar Hausvik hjå operasjonssentralen til Vest politidistrikt.
Samarbeidsøvinga mellom politiet, helse og brannvesenet gjer at folk kjem til å sjå fleire utrykkingskøyretøy i området ved skulen.
Røyk og smell
Folk kan også koma til å sjå røyk og høyra smell frå skulen. Men det er altså ingen grunn til uro.
– Øvingane starta i Førde måndag og tysdag, held fram i Sogndal onsdag, og så vert det ei tilsvarande øving for naudetatane på Nordfjordeid på torsdag, fortel Hausvik.