Mann frakta til sjukehus etter trafikkuhell
Plus
Ein mann vart sendt til Stord sjukehus etter eit trafikkuhell torsdag.
– Ein mann i rullestol hadde skadar i ein fot og vart køyrd til Stord sjukehus i ambulanse, skriv politiet i politiloggen torsdag kveld.
Uhellet skal ha skjedd i eit gangfelt på Husnes klokka 16.25.
– Bilførar og eit vitne har forklart at bilen stoppa ved gangfeltet for å sleppa rullestolen over. Rullestolbrukaren stod ved gangfeltet og vinka at bilføraren kunne køyra vidare. Då bilen var i gangfeltet, køyrde rullestolen også ut i gangfeltet, skriv politiet.
Bilen skal då ha treft foten til mannen i rullestol, melder politiet vidare.
Politiet opprettar sak, men har ingen mistanke om køyring i påverka tilstand