Herold

Hardangervidda villreinutval oppmodar private grunneigarar og fjellstyre om å nekta stikking av alle DNT sine vinterløyper, og motorferdsle i samband med dette.

– Prioriterer store innskrenkingar

Formålet med å nekta stikking av vinterløyper, og motorferdsle i samband med dette, er å få Den Norske Turistforening (DNT) og statlege myndigheiter til raskt å gjera det Hardangervidda villreinutval kallar nødvendige og store villreinvennlege endringar i DNT sitt nett av stiar, løyper og turisthytter. Dette for å gi villreinen ro og tilgang til de beste beiteområda gjennom hele året.

«Friluftslivferdselen har de siste 50 år økt til et nivå som ikke er forenelig med ivaretagelse av villreinen. Den Norske Turistforening er den profesjonelle aktøren som gjennom sitt nett av stiar, løyper, turisthytter og massiv marknadsføring bidrar til den skadelige ferdselen som nå må defineres som masseturisme», skriv Odd Gunnar Vikan og Svein Erik Lund i brevet.

Hardangervidda villreinutval

Vikan er leiar i Hardangervidda villreinutval, som er rettighetshavernes forvaltningsorgan i samband med villrein på Hardangervidda. Villreinutvalet består av medlemmer frå Hardangervidda grunneigarsamskipnad og Fjellstyra på Hardangervidda.

I brevet vert det vist til at dei siste åra har vore lagt ned mykje arbeid i samband med mellom anna tiltaksplanar for villrein og felles sti og løypeplan for Hardangervidda. Utvalet meiner desse prosessane har vist at det er utfordringar med ulike former for friluftsliv, og dessutan og DNT sitt sti- og løypenett, og dessutan hyttedrift.

Desse planane har vore ute på høyring, men Lund og Vikan meiner at ein i sluttfasen kan konstatera at Klima- og miljødepartementet og Statsforvalteren ser ut til å fjerna alle reelle tiltak for endringar i DNT sin aktivitet. Samstundes meiner dei at myndigheitene prioriterer store innskrenkingar i moglegheita til nytte av privat eigedom og bruksretter på statsallmenningane.

350 svar og sprikande syn: – Skal ikkje tvinga nokon

«Det gis tydelig beskjed om innstramminger i motorferdsel og signal om lovendringer for å regulere og forby nødvendig transport. Blant annet foreslås det forbud mot bruk av helikopter i villreinjakta og i forslag til ny motorferdsellov foreslås forbud mot bruk av slepene. Signalene er entydige, myndighetene ofrer villreinen til fordel for DNT. For å fremstå som ansvarsfulle overfor storsamfunnet ofres den tradisjonelle og lokale bruken av Hardangervidda og mulighet til nytte av privat eigedom og bruksretter», heiter det i uttalen.

Villreinutvalet meiner no at rettshavarar og fjellstyre i fellesskap må setja foten ned og pressa fram endringar i DNT si verksemd på vidda. Difor vil dei og nekta all motorisert ferdsel for frakt av varer, utstyr og personell til drift av DNT sine turisthytter.

Har samla seg om felles uttale: – Historisk

– Om me lokalt ikkje klarar å verta einige er eg redd me tapar mykje