Herold

Det var heftig med trafikk i sambandet Årsnes-Varaldsøy-Gjermundshamn søndag morgon.

Etter ei innhaldsrik første mai-helg var det mange som freista lukka og ville ta ferja via Årsnes søndag morgon.

Det førte dessverre til lange køar og mange køyretøy som ikkje kom med 11.30-ferja:

«Kaos på Årsnes. Ca 60-70 bilar kom ikkje med», skreiv Tomas Bruvik i ein sms til Kvinnheringen saman med eit beskrivande bilde.

Fjord1 sendte òg ut sms ein time før, og bad bubilar og større køyretøy velja alternativ rute:

«Gjermundshamn-Varaldsøy-Årsnes: Grunna stor trafikk så oppfordrast bubilar og større køyretøy til å ta alternativ rute om mogleg. Det må påventast lengre ventetid i sambandet»stod det i meldinga.