Herold

Etter gjentekne flaumproblem ved Refsdal treindustri, tek Høgre-politikar Øystein Rugtveit nå tak.

Høgre-politikar Øystein Rugtveit har teke kontakt med Tommy Refsdal etter at Drangedalsposten skreiv om problema med flaum Refsdal treindustri har opplevd. Han krev at kommunen kartlegg flaumsårbare område og sørgjer for at undergangen under fylkesveg 3301 får tilstrekkeleg kapasitet til å handtere framtidige nedbørsmengder.

– Me ser at det er klimaendringar og då må me rekne med periodar med store nedbørsmengder og flaum. Me som kommune må kartlegge dei mest sårbare områda for dette. Då må også undergangen ved Refsdal treindustri få nok kapasitet til å ta unna vatnet, seier Rugtveit.

Tommy ristar på hovudet: Får basseng på jobb – kvart år

Må også sjå på Jysereidveien

– Det er spesielt problematisk med røyret som ligg under fylkesveg 3301, held Rugtveit fram.

Han nemner også at kommunen må sjå til at grøftene er rydda og frie for kvist og kvast på den kommunale Jysereidveien som ligg på andre sida av Refsdal treindustri.

– Dette er førebyggande tiltak kommunen burde gjera før varsla store nedbørsmengder, seier Rugtveit.

– Ansvaret for fylkesvegen ligg hos fylket, men me som kommune burde legge fram dokumentasjon på vasskadar og flaum som kjem på grunn av for lite kapasitet i røyra under vegen, avsluttar Høgre-politikaren.

Her graves det – dette er grunnen