Herold

Solrik ramme og lokaloppgjer mellom eit lag som vil opp og eit som vil unngå å gå ned.

Etter ein tøff start på sesongen med to tap og 1–9 i målforskjell, var det eit Radøy-lag i motvind som gjesta Fossemyra. Med Marius Villanger som ny trenar var målet å snu den negative trenden.

– Måtte heve oss i duellspelet

Før avspark var Villanger realistisk, men offensiv i tankegangen. Han la vekt på at laget måtte tåle det fysiske spelet og utnytte energien frå dei mange frammøtte tilskodarane.

- Vi gjer vårt beste for å få mest ut av stallen vi har. Vi må hevde oss i duellspelet og "feeda" av rammene, sa Villanger før kampstart.

Fotballekspert David Olsen Flatøy hadde derimot liten tru på poeng til gjestene. Han peika på at Kvernbit er det antatt beste laget og at Radøy sine føregåande prestasjonar ikkje lovar godt. Eksperten fekk rett i sine spådommar.

Kvernbit tok kommandoen tidleg i kampen, og måla kom jamt utover omgangen.

6 min: 1–0 ved Jonah Elan Banks

12 min: 2–0 ved Filip Pavlovic

26 min: 3–0 ved Andreas Hopland Larsen

Dermed gjekk laga til pause på stillinga 3–0.

Kontrollerte inn til 5–0

Radøy fekk ein tung start på andre omgang då Filip Pavlovic sette sitt andre mål for dagen berre to minutt etter kvilen. Like før slutt fastsette Andreas Hordnes Elde sluttresultatet til 5–0.

Smartembed for https://livecenter.nifs.no/module/table/1/701203/?hideSearch=1&theme=light&height=800