No har ho laga sitt eige merke. – Det gjekk litt fortare enn vi hadde tenkt.

På eit loft i Fusa ligg luksussjal i stablar. – Vi heiv oss rundt.

(Bergens Tidende): På eit grønt nes i Fusa sør for Bergen, fritt og fint over fjorden, ligg eit lite stykke Paris.

Den kvite stova med skifertak og grøne lister er bygd i 1889, same år som Eiffeltårnet.

Croissantane på kaffibordet kom med fly frå Charles de Gaulle i går, og på loftet ligg silkesjal i stablar. Dei er designa i Paris og inspirerte av urnorske uttrykk som rosemåling og gamle brurekroner.

Kvinna bak merket Myklé er nordfjordingen Torunn Myklebust.

Givenchy og Gaultier

Ho har 15 års fartstid som printdesigner for europeiske motehus som Givenchy, Alexander McQueen og Jean Paul Gaultier.