Fleire slåstkampar i løpet av natta: – Amper stemning
Plus
Natt til 1. mai skal tilsynelatande den same gjengen ha barka saman minst tre gongar.
Hordaland skreiv fyrst om eit slagsmål mellom ti til elleve ungdommar i Strandavegen. Då politiet kom fram til staden skal ungdommane ha sprunge i alle retningar.
Truleg skal dei same personane ha barka saman også tidlegare denne kvelden.
– Slik me forstår det så er det same gjengen som slåst ved ungdomsskulen rundt midnatt. Seinare var det òg eit slagsmål i Idrottsvegen, informerer politistasjonssjef på Voss, Håvard Skattum.
Slik det framstår i politiloggen skal det ha vore amper og dårleg stemning. Dei involverte er i slutten av tenåra.
– Me opplever ikkje at det har ført til store personskadar, men Røde Kors såg til nokre personar, informerer Skattum.
Ein person vart vist bort
I 02.30-tida fekk politiet tak i ein av personane dei oppfattar som mest aktiv i slåstkampane.
Vedkomande, ein mann i slutten av tenåra, fekk pålegg om å halda seg vekke frå sentrum fram til dagen etter.
Politiet har ikkje oppretta politimeldingar eller straffesaker på hendingane.