Herold

Vi ser i avisa den 28.04. at Voss herad i komande møte skal gjere vedtak om vidare utbygging av VA-anlegga i Myrkdalen som no er kostnadsrekna til kr 182 mill.

I 2020 var kostnaden stipulert til kr 108 mill, og ein rekna den gong med ei tilknyting av nye einingar på ca 100 kvart år. No er framtidig nybygging stipulert til ca 40 einingar, og ein har omsider forhandla fram eit forslag til avtale med utbyggingsselskapet (eigd 50% av staten) som skal gje eit anleggsbidrag på kr 50.000 (fast pris) per ny eining. Dette vi såleis utgjere ca 2 mill pr år av ein totalkostnad som framleis er høgst usikker p.g.a. dei mange usikre kostnadsfaktorane i dagens marknad for bygg og anlegg.

I tillegg kjem endring i rentenivået som påverkar både utbyggingskostnaden for VA-utbygginga, og talet på nye einingar som skal gje anleggsbidrag per år. Usikre faktorar og risiko vart nemnde i fleire brev og avisinnlegg frå oss i Myrkdalen Fjellandsby Hytteeigarlag i samband med handsaminga av hovudplanen for Myrkdalen i 2020.

Avisa kan mellom anna ta fram att eit innlegg av Vidar Solheim den 18.06.2020 der han foreslår at utbyggaren «legg på bordet» eit bidrag på 30 mill den gong totalkostnaden var rekna til 108 mill.

Voss herad synest ikkje å ta dette særleg alvorleg, for VA-utbygging er sjølvkostprosjekt som i liten grad påverkar kommunekassa. Det er VA-abonnentane som skal betale.

– Vart heradsstyret feilinformert i denne saka?

Hytteeigarlag om Voss: – Det er ein del triksing her som ikkje er greitt – Me må betala 70 millionar kroner ekstra Tåkelegging fra utbygger og kommunalsjefen om VA i Myrkdalen