Herold

Den gamle bossplassen i Purkehola skal få sin ende. Søppelfyllinga skal dekkast til, og det skal lagast eit «sunt» overflatemiljø.

Før jul lyste Kinn kommune ut anbod på tiltak for avslutting og etterdrift av avfallsdeponiet i Purkehola – altså den gamle bossplassen.

Bossplassen vart stengt i 2009, og det er deponert om lag 135.000 tonn avfall i Purkehola opp igjennom åra.

Hovuddelen av arbeidet som no skal gjennomførast består i massehandtering og gravearbeid:

• Lage ei avsluttande overflateform (ca. 8000 kvadratmeter), som er naturleg i området og som gir best mogleg overflateavrenning.
• Dekke til alt avfall og gjenskape eit «sunt» overflatemiljø, som kan brukast til friluftsføremål
• Etablere eit toppdekke som gir rimeleg grad av tettleik mot nedtrengning av nedbør i deponiet, og dermed avgrense sigevatnproduksjonen frå fyllinga

Det skal anslagsvis tilførast ca. 10.000 kubikkmeter massar og gravast om lag 400 meter med grøft. I tillegg skal eksisterande sigevatnkum rehabiliterast.

Då Kinn kommune lyste ut anbodet var den anslåtte kostnaden for arbeidet på rundt fire millionar kroner. Tilboda som kom inn sprika, men ingen var i nærleiken av denne summen:

Ramsdal Maskin AS: 7 millionar kroner Tryge Ullaland AS: 8,7 millionar kroner Røyseth Maskin AS: 11,5 millionar kroner Mesta AS: 12,9 millionar kroner

Ramsdal maskin vart vald til leverandør fordi dei leverte tilbodet med lågast pris. Ein av dei andre tilbydarane har klaga på tildelinga, men Kinn kommune har så langt avvist klagen.

– Ein skulle tru det ikkje finst avfallsplass i Florø!

Det brune avsiget frå Purkehola er frå metall: – Meir omfattande enn vi først trudde

Purkehola er eitt år: – Her er ingen grunn til å stresse, vi er her for deg

Endeleg skjer det noko i saka med den ulovlege dumpinga ved Purkehola

Det går meir plastemballasje i restavfallet enn til gjenvinning

Populært med laurdagsopen Purkehole. Men blir det ei fast ordning?

Purkehola veks nordover – turgåarar reagerer