Herold

Politiloggen frå helga er ikkje lang.

Bodil Nakkerud ved Hardanger politistasjon fortel at mannskap frå politi og brann rykte ut til ei melding om ein mogeleg bilbrann natt til søndag.

– Då vi kom fram viste det seg at det var lekkasje frå eit batteri som hadde drope ned på andre deler av bilen slik at det oppstod røykutvikling. Det var ingen flammar, slår Nakkerud fast.

UP tok beslag i eit førarkort i Folgefonntunnelen laurdag kveld. Nakkerud kan elles melda at helga har vore tilnærma roleg både i Odda og i Røldal, der Røldal Freeride Challenge blei arrangert.