Stor skogbrannfare – beredskapen utvida med to helikopter
Plus
Fem skogbrannhelikopter er no sette i beredskap som fylgje av stor skogbrannfare, opplyser Direktoratet for samfunnstryggleik og beredskap (DSB).
– Det er meldt om stor fare for gras- og lyngbrann for perioden i Vestland, Rogaland, Agder og Austlandet med spreiingsfare på grunn av vind, opplyser DSB på meldingstenesta X.
Det blir no sett inn to helikopter til i skogbrannberedskapen, eitt på Vigra og eitt på Voss.
I den faste beredskapen står eitt helikopter på Geitryggen i Telemark frå midten av april til midten av august.
No er det totalt fem helikopter i sving, dei to siste er plasserte på Værnes og i Bodø.
– Skogbrannhelikoptera kan tilkallast til brannar som er kritiske og har stort potensial for spreiing. Tilkalling skal skje ved førespurnad til dei regionale 110-sentralane, opplyser DSB.
Det faste skogbrannhelikopteret er normalt plassert i Sør-Noreg i beredskapsperioden.
– Dersom skogbrannfaren er høg i andre delar av landet kan skogbrannhelikopteret vera stasjonert på andre basar.