Herold

Det enda med ein alvorsprat med politiet.

Klokka 20.45 onsdag kveld vart politiet ringt opp av ein meldar som reagerte på at ein mann utanfor Pyramiden kjøpesenter i Gaupne gjekk og sparka på blomsterkassar og skilt.

– Han vart opplevd skremmande for dei som var i området, så vi valde å rykke ut. Då vi kom fram, var han reist, men vi fann etter kvart fram til der mannen budde og tok ein alvorsprat med han, seier operasjonsleiar Dan Erik Johannessen i Vest politidistrikt.

Mannen var edru, opplyser politiet.

Ifølgje Sogn Avis skal han også ha vist fingeren når han vart snakka til av vitne på staden.

– Patruljen har gjort avtale med meldar om at dei vil ta kontakt med henne i dag, torsdag, om ho ønskjer å politimelde hendinga, seier Johannessen.

Full mann sendt heim i drosje av politiet. Men historia slutta ikkje der