Har selt ut alle festivalpassa – desse artistane kjem til fruktbygda
Plus
Artist og låtskrivar Kristian Kristensen (33) kjem til Morellfestivalen på Lofthus i juli. Arrangørane har snart spikra heile festivalplakaten.
Denne veka vart det klart at Kristian Kristensen skal stå på scena i fruktbygda torsdag under Morellfestivalen.
Den Oslo-baserte artisten frå Harstad er ein kjend profil i det norskspråklege poplandskapet med si store stemme og nære låtar som «Kan du lære mæ?» og «Hver gang vi møtes»-deltaking (ekstern lenke).
No er han aktuell med nytt album, som han reiste til Los Angeles for å jobba med, der han syng på engelsk.
– Ved å sjå «norske-Kristian» og livet hans frå utsida, frå den andre sida av kloden, tvinga språket meg inn i heilt andre tankespor. Det kjendest som ei nødvendig flukt for å sjå alt i eit nytt perspektiv, uttalte Kristensen i ei pressemelding då låta «Love Freely» kom ut tidlegare i år.
Morellfestivalen er allereie utseld for festivalpass.
– No har me nesten alle artistane klare, med unntak av to lokale. Ein skal spela på dagtid laurdag, og ein skal avslutta laurdag kveld, fortel Eirik Opedal i arrangørstaben.
Frå før er band og artistar som Byting, Staut og Daniel Kvammen klare for festivalen.
Morellfestivalen vart starta opp i 1996 og er også kjent for NM i morellsteinspytting.
Disse artistene kommer til Indre Hardanger