Herold

I juni skal anbodskonkurransen utlysast med forventa vurdering av tilboda i september/oktober.

Det kjem fram av prosjektmandatet for forprosjektet til Svelgen oppvekst som formannskapet i Bremanger skal handsame torsdag denne veka.

Kostnaden med forprosjektet er kalkulert til 1,43 millionar kroner, eit prosjekt som formannskapet som fungerande styringsgruppe skal leie.

I tillegg er det ei eiga prosjektgruppe leia av ordførar Anne Kristin Førde.

Prosjektleiar Hans Thomas Solheim blir leigd inn frå Stad kommune.

Prosjektgruppe

For å komme i mål innan tidsfristane må konkurransegrunnlag utarbeidast og kvalitetssikrast ferdig før sommarferien.

Det er bestemt at følgjande element skal vere med:

• Riving av ungdomskulen
• Komplett rehabilitering av barneskulen
• Alternativ med redusert rehabilitering av barneksulen
• Ny ungdomskule
• Integrering av kulturskulen i nybygget.

Kva som skal skje med samlokalisering av bibliotek, frivilligsentral og eventuelt kulturskule (Malia-prosjektet) er ikkje avklara, og må handsamast som ei separat sak.

Bibliotek-flytting til Svelgen oppvekst vil koste for mykje

Politisk floke om vegval for å gjere Svelgen sentrum liv laga

Konsekvensar for Svelgen sentrum – behov for ei breiare vurdering

Anbefaler millionstøtte til glasgateprosjektet i Svelgen