Herold

Vest politidistrikt melder klokka 12.30 om det som kan vera ei ulukke med paraglider i Sogndal.

Det er observert tre paraglidere i lufta ved Åberge i Sogndal og ein av dei har kanskje gått i eit tre.

– Det er observert frå lang avstand så forholdet er uavklara, melder operasjonsleiar Knut Dahl-Michelsen.

Det er sendt ressursar til staden for å avklara forholda. Eit redningshelikopter er på veg.

Klokka 12.39 vert det meldt om at politiet og brannvesen er framme i aktuelt område.

Det er observert ein skjerm i eit tre frå avstand.

– Det vert jobba med å ta seg heilt fram til staden, men det vil ta tid, melder Dahl-Michelsen.

Klokka 13.03 blir det opplyst at politi og brannvesen har kome seg fram til mannen. Han skal vera uskadd og går saman med redningsmannskap ned igjen til vegen.