Herold

Landbruksdirektoratet har sendt over ein ny nasjonal strategi for forvaltning av hjortevilt fram til 2030, til Landbruks- og matdepartementet

Det blir peika på aukande konfliktar knytt til arealbruk og fleire viltpåkøyrsler, og strategien legg opp til tettare samarbeid mellom kommunar, fylke, grunneigarar og jegerar. Hjortevilt blir omtalt som ein ressurs for lokal verdiskaping gjennom jakt, reiseliv og kjøt.

Strategien legg vekt på samarbeid mellom ulike nivå i forvaltninga, betre kunnskap og systematisk overvaking av helsa til dyra.

Visjonen er «Robuste bestander i en natur i endring», der hjortedyra skal ha naturleg alders- og kjønnsfordeling, høg genetisk variasjon og god kondisjon slik at dei toler klimaendringar, sjukdom og menneskeleg påverknad

Fem satsingsområde er peika ut: grenseoverskridande forvaltning, arealkonfliktar, vilthelse, framtidig jaktutøving og hjortevilt som næring.

(©NPK)