Herold

MINNEORD: Det var tungt å høyra at Aud Nygard var gått bort no i februar i ein alder av 89 år. Aud hadde stor betydning for borna og ungdomane i bygda på 1960–1970 talet.

I lag med mannen Harald og lærarinne Aslaug Væreide starta dei yngreslag i Modalen midt på -60 talet. Ofte hadde dei yngresmøta i heimen sin om laurdagskveldane. Aud baka tebrød – å så gode dei var! Soknerådet spanderte bilskyss, så ungdomane kom seg trygt fram til Aud og Harald og heim att. Ungdomane var i alderen 12–16 år.

Aud song og spela gitar, og ho lærde oss mange fine songar. Me hadde eit lite musikklag, fleire av oss lærde å spela gitar. Aud hadde ei god songstemme, ho song gjerne på Bedehuset og i kyrkja. Ein song ho ofte brukte var «Barnatro».

Aud og Harald dreiv gard på Straume, og dei hadde sjølve små born på den tida. Likevel opna dei heimen sin for barne- og ungdomsarbeid. På yngreskveldane hadde me ymse program: Det var andakt, song og leikar og me laga nokre småting som me lodda ut på basar til inntekt for yngreslaget.

Aud og Harald reiste også ei tid i misjonen, der Harald tala og Aud song på bedehusa.

Aud arbeidde i fleire år på Modalstunet, første tida på arbeidsstova, seinare på kjøkkenet. Om fredagane var ho med og hadde bingo. Der og brukte ho den fine songstemma si.

Dei siste åra svikta helsa til Aud, ho budde då på Modalstunet. Det var alltid godt å treffa Aud. Me takkar for alt ho gjorde for borna og ungdomane i bygda.

Signe minnet hennar Aud.

Modalen, april 2026Åse Jarleng, Jostein Farestveit, Jon-Atle Farestveit, Reidar Farestveit, Arthur Farestveit, Hjørdis Langedal Hovland.