Herold

Deler av Folgefonntunnelen er mørklagd torsdag.

Torsdag var ei strekke nærast Kvinnherad-sida av Folgefonntunnelen mørklagd. Nokre stader var det lys i nokre av utkøyringslommene, medan lysa i tunneltaket var sløkte.Byggeleiar for elektrokontrakten i tunnelen, Tommy Totland, har forklaringa:

– Det går føre seg vask av Folgefonntunnelen på nattetid denne veka, og i samband med det har vi fått utfall av lyskursen i ein fordelingsstasjon i tunnelen, seier Totland rundt klokka 13 torsdag.

Han seier vidare at elektroentreprenør er varsla og feilsøking går føre seg, men at rettetid ikkje er kjend endå.