Herold

På desse møta skal folk få presentert status i dag, og få informasjon om arbeidet som skal gå føre seg i 2026 og 2027.

Det første møtet blir i Samfunnssalen på Vaksdal måndag 27. april. Dagen etter blir det møte i det gamle bedehuset på Stanghelle.

Rundkøyringar på E16

Trafikken på dagens E16 vil gå tilnærma som normalt fram til hausten. Då startar bygginga av anleggstunnelar på Gamle Fossen (Fossmark), Romslo og Langhelleneset.

Før tunnelarbeidet startar skal det utførast rassikring. Det skal byggjast mellombelse rundkøyringar i Dalehagen (Johagen), Gamle Fossen, Langhelleneset, Romslo og Rødberg. Desse skal sikra trafikken inn og ut av anleggsområda.

- Rundkøyringane vil vera der gjennom heile anleggsperioden, fram til ny veg og bane blir opna, opplyser Statens Vegvesen i ei melding.

Arbeidet startar i april

I Dalehagen startar arbeidet allereie no i april. Matjorda skal gravast av og køyrast til eit deponi på Dale. Fartsgrensa forbi Dalehagen blir truleg sett ned grunna anleggstrafikk. Området skal brukast som landdeponi.

- På Gamle Fossen (Fossmark) blir arbeidet krevjande. Rassikring og bygging av rundkøyring vil påverka trafikken over ein lengre periode.

Stengjer vegen i inntil åtte år

Til hausten blir det høg aktivitet på Trengereid. Det skal lagast fleire tunnelinnslag, og kryssområdet skal leggjast om i fleire omgangar.

- Rasteplassen, Hjelle bakeri og ladestasjonane må fjernast for at anleggsarbeidet skal kunna gjennomførast. Bakeriet og ladestasjonane blir fjerna før sommaren. I samband med dette arbeidet blir Trengereidsvingane stengde for biltrafikk i inntil åtte år, opplyser vegvesenet.

- Me har ikkje ønske om å stengja vegen meir enn heilt nødvendig. Her vil det bli gjort vidare vurderingar når kontrakt blir signert med entreprenør over sommaren, seier Statens Vegvesen i meldinga.

Full tunnelstart frå hausten 2026: Her kjem dei største endringane på vegen

Stor interesse for fellesprosjektet Arna-Stanghelle