Herold

Troms politidistrikt opplyser at ungdom i fylket er blitt forsøkt rekruttert til å utføre valdsoppdrag. Etterforskinga har avdekt at gutar på 14 og 15 år har fått tilbod via sosiale medium som Snapchat og Signal. Politiet har gjort pågripingar i saka. – Valdsoppdrag blir lagt ut på sosiale medium og når ut til titusenvis av norske ungdommar, seier Tom Inge Tilley Jensen, leiar for seksjonen for organisert kriminalitet i Troms politidistrikt. Politiet oppmodar foreldre og andre vaksne til å vere merksame på teikn som hemmeleg nettbruk, kontakt med kriminelle miljø eller uvanleg tilgang på pengar og statusvarer.