Herold

Fellesforbundet og Norsk industri blei samde søndag.

Årets lønsoppgjer enda med ei ramme på 4,4 prosent lønsvekst.

Det melder Fri Fagbevegelse søndag.

I kroner og øre betyr det ein lønsvekst på 12.675 kroner, eller eit timetillegg på minst 6,50 kroner i timen.

Oppå dette kjem eit ekstra lønstillegg til dei med lågast løn på fire kroner i timen.

Dermed møter dei 33.000 medlemmene i Fellesforbundet på jobb som normalt måndag morgon.

Fellesforbundet-leiar Christian Justnes meiner resulatet blei god reallønsvekst med ein tydeleg lågtlønsprofil. Motparten i Norsk Industri meiner oppgjeret blei dyrt, men at det var viktig å unngå streik i ei for tida uroleg verd.