Herold

Familien til Oliver Rivedal har oppretta ein spleis for å kunne reise til Polen og hjelpe til i søket.

Familien: – Over all forventing

Søket held fram

23 år gamle Oliver Rivedal har vore sakna sidan 22. november.

Sunnfjordingen blei sist sett ved ein utestad i den polske hovudstaden Warszawa. Trass at både norsk og polsk politi etterforskar saka, er det framleis ingen spor etter Rivedal.

Måndag skreiv Firda at familien til den sakna 23-åringen har oppretta ein spleis for å reise til Polen. Dei ønsker å bidra i søket.

På under to døgn har dei fått inn over 275.000 kroner.

TV2 har også omtalt spleisen i ein artikkel måndag, og har vore i kontakt med pårørande. Familien uttrykker stor takksemd for støtta dei har fått.

– Det er over all forventing, og vi blir mållause over den fantastiske støtta vi har fått, seier familien til TV2.no.

På spleisen opplyser familien at all støtte vil gå til å dekke utgifter knytt til reise, opphald og bistand i søket etter Oliver.

Når det gjeld sjølve etterforskinga, hadde politiet i Sunnfjord få oppdateringar å kome med måndag. Etterforskingsleiar Oda Thorstad fortalde til Firda at dei ventar oppdateringar frå kollegaer i Polen.

Til TV2.no seier polsk politi at saka framleis blir behandla som eit sakna- og redningsoppdrag, og at dei ikkje mistenker noko kriminelt.

– Vi er framleis på eit stadium kor vi leitar etter han, og vi leiter etter han med den tanken om at han er i live, seier politibetjent Kacper Wojteczko til nettstaden.

Leitar framleis etter Oliver. Politiet får lite info frå Polen

Det er Oliver Rivedal som er sakna

Sakna sunnfjording snakka med kompisar i 05-tida

Dette gjer polsk politi