Herold

Dei ferske innbyggjartala frå Statistisk sentralbyrå (SSB) er dyster lesing for Telemark. To ordførarar har grunn til å smile.

Positiv tilflytting

Stoppa

Glad

Ingen auke

Treng fleire barn

(TA:) Seniorforskar Audun Thorstensen ved Telemarksforsking har bearbeidd tala for utviklinga hittil i år. Den syner at Telemark er nest dårlegast i landet, berre i Nordland er situasjonen verre. Vidare er det berre to kommunar i fylket vårt, Nissedal og Fyresdal, som har ein større prosentvis vekst enn landsgjennomsnittet. Dei to er vinnarane i fylket. Seljord, Tinn, Nome og Kragerø er kommunane som prosentvis har fått den største reduksjonen i folketalet hittil i 2025, ifølgje den nye oversikten.

• I hovudsak er det berre Nissedal og Fyresdal som har positiv tilflytting frå andre kommunar i Noreg. Den negative utviklinga i Grenland gjer at Telemark ikkje klarer å auke folketalet. Hittil i år er det blitt ein person mindre i fylket medan landet har hatt ein vekst på 24.000 innbyggjarar. Utviklinga i Telemark er dyster. Både Porsgrunn og Skien har ein vekst som er klart mindre enn landsgjennomsnittet. Innvandringa sikrar at det ikkje blir ein stor nedgang for Telemark samla sett, seier Audun Thorstensen til TA.

Midt-Telemark har tradisjonelt vore den store vekstkommunen. No har det stoppa opp. I tredje kvartal auka folketalet med 61 personar mot 193 i same periode i fjor og rundt 150 dei to føregåande åra. Hittil i år har folketalet berre auka med 17 personar, til 11.152 innbyggjarar.

• Eg veit ikkje årsaka. Midt-Telemark er saman med Siljan den einaste kommunen som har fødselsoverskot. Elles er det underskot på nye borgarar i heile Telemark, seier Audun Thorstensen.

Totalt budde det ved utgangen av tredje kvartal 177.862 personar i Telemark. Skien er klart størst med 56.914 innbyggjarar, mot 37.411 i Porsgrunn. Fyresdal er fylkets minste kommune med 1.270 innbyggjarar. 1. januar er teljedato for berekning av skatteinntekter og statlege utjamningsmidlar, ifølgje forskaren i Bø.

Ian Parry-Jones (Sp) er ordførar i Nissedal. Han er sjølvsagt strålande fornøgd med dei nye tala.

• Sidan tredje kvartal i fjor har me hatt ein vekst i folketalet på 40 personar og berre elleve av desse er flyktningar. Det er veldig hyggjeleg at me har slik auke. Nissedal har mange kvalitetar. Eg trur satsinga på oppvekst har bidrege positivt til at fleire flyttar hit saman med dei grepa Senterpartiet fekk gjennomført i regjering med sletting av studiegjeld. Nissedal har 2.500 hytter. Gjestene skaffar gratis reklame for kommunen, seier Ian Parry-Jones.

• Økonomien?

• Budsjettet er nok det mest krevjande i dei ti åra som eg har vore med i politikken, men me klarer å oprettalde tenesetetilbodet utan å auke eigedomsskatten. Den tverrpolitiske semja om budsjettet er også gunstig, svarar ordføraren.

Hans kollega i Seljord, Solveig Sundbø Abrahamsen (H), har hatt den svakaste utviklinga i Telemark hittil i år, med ein nedgang på 26 personar.

• Utviklinga er alt for dårleg, men det er eit lyspunkt at folketalet isolert i tredje kvartal gjekk fram med elleve personar. Me får håpe den utviklinga held fram. Fødselsunderskotet er eit problem. Me må jobbe aktivt for større attraktivitet og tilflytting. Mange pendlar til Seljord. Og så må eg oppmode til aktivitetar som medfører fleire fødslar, avsluttar Solveig Sundbø Abrahamsen.

Kommune Folketal Nominell vekst Vekst prosent Rangering Telemark Rangering landet

Porsgrunn

37 411

122

0,33 %

4

150

Skien

56 914

48

0,08 %

7

194

Notodden

13 378

45

0,34 %

3

149

Siljan

2 381

-8

-0,33 %

11

265

Bamble

14 256

-54

-0,38 %

12

272

Kragerø

10 385

-61

-0,58 %

14

289

Drangedal

4 048

-19

-0,47 %

13

279

Nome

6 515

-43

-0,66 %

15

298

Midt-Telemark

11 152

17

0,15 %

5

182

Seljord

2 955

-26

-0,87 %

17

318

Hjartdal

1 641

-5

-0,30 %

10

260

Tinn

5 487

-42

-0,76 %

16

310

Kviteseid

2 473

0,00 %

8

210

Nissedal

1 504

18

1,21 %

1

29

Fyresdal

1 270

14

1,11 %

2

34

Tokke

2 240

2

0,09 %

6

191

Vinje

3 852

-9

-0,23 %

9

252

Telemark

177 862

-1

0,00 %

Heile landet

5 618 354

24 014

0,43 %

KJELDE: Telemarksforsking/Statistisk sentralbyrå