Herold

Påskefeiringa kjem i mange variantar. Nokre tok turen til alpinbakkane for å køyre utfor dei kvitkledde bakkane, andre flykta til varmare himmelstrøk for å unngå det sure vêret, og ein del la seg til rette heime med krimseriermaraton.

Men i Bremanger har dei funne sin eigen måte å feire påska på – ein djupt musikalsk ein. Kvar påskehelg samlar dei seg på Havlys for ein tradisjonell jam (eller som dei kallar det på sitt finaste: sylte), der musikarar frå Bremanger møtast for å spele og hygge seg. Denne kvelden var det rekordoppmøte av både dei trufaste sylteveteranane og ei rekkje nye ansikt.