Herold

Åsmund Berthelsen (SV) skriv i eit innlegg i Firdaposten at kommunane må ha rett til å seia nei til planinitiativ om vindkraft og at dette og skal gjelda før det gjort ei utgreiing av eit prosjekt. Han skriv rett ut at å greia ut eit initiativ er eit fyrste steg mot eit ja til vindkraft.

Berthelsen refererertil Høgre sin interpellasjon i fylkestinget i Vestland i mars. Difor er det på sin plass å få fram bakgrunnen for interpellasjonen som var framført av underskrivne.

Norge og Vestland har store ambisjonar om meir kraft og nett raskt. Den faktiske situasjonen er likevel at det er få nye søknader om å byggja ut ny kraft, og handsaminga av saker om både nett og produksjon tek lang tid. Det er og planinitiativ som vert stoppa før det er gjennomført ei grundig utgreiing. Det siste er særleg knytt til vindkraft på land.

Behovet for meir kraft aukar i takt med generell forbruksauke, elektrifisering og planar om nye industri- og næringstiltak. Grøn Region Vestland er avhengig av tilgang på fornybar kraft for å realisera ny aktivitet, omstilling og utsleppskutt.

Per i dag er det eit kraftoverskot for året samla sett, men i år har det vore fleire dagar med større forbruk enn produksjon og dermed har det vore nødvendig å importera kraft. I sum kan me slå fast at det hastar med å få realisert investeringar i både kraft og nett.

Kommunane vilalltid ha ei sentral rolle i kraftsaker, både med omsyn til konsekvensvurderingar og økonomiske vederlag. I vindkraftsaker har kommunane i praksis vetorett, nedfelt i plan- og bygningslova § 12-1 3. lekk. Dette kan tolkast til at kommunane og kan stoppa planinitiativ. Det kan bremsa eller avvisa nye initiativ. Ein bør difor vurdera å setja krav om at prosjekt ikkje vert avviste før dei er greia ut. Målet er ikkje å fjerna kommunane sitt høve til å seia nei, men den retten bør ikkje utøvast for prosjekt som ikkje er greia ut. I motsetnad til Berthelsen har Høgre stor tru på verdien og nytten av at saker vert godt utgreidde slik at avgjerder kan takast med basis i fakta og grundige og breie vurderingar både for og mot eit prosjekt.

Fylkestinget sa med knapt fleirtal (31-29) nei til å senda ei oppmoding til Energidepartementet om å innføra krav om at planinitiativ om vindkraft vert greia ut før det vert teke ei avgjerd. Men fylkestinget avviste samtidig med større fleirtal (45-15) eit framlegg om at kommunane ikkje må bli pålagde å greia ut planinitiativ om vindkraft før lokal handsaming. I realiteten står difor Vestland fylkesting utan vedtak og standpunkt i saka.

Debatten viluansett halda fram og eg reknar med at Energidepartementet på eige initiativ vurderer om det skal innførast utgreiingsplik