Herold

Anthony S. Vassbø var éin av dei to som blei heidra med Bjerkreim kommune sin innsatspris på kulturdagsarrangementet på samfunnshuset sundag.

2025 var året då uvanleg få bjerkreimbuar utmerkte seg med gode plasseringar i NM eller tilsvarande, eventuelt i internasjonale meisterskap. For å kvalifisera til kommunen sin innsatspris, må du ha blitt blant dei tre beste i slike konkurransar.

Dei to som tilfredsstilte kriteria denne gongen, var til gjengjeld særdeles godt kvalifiserte: langrennsløpar og skiskyttar Leonora Utheim Svela (15) og Anthony Strømstad Vassbø (22).

Sistnemnde blei nummer tre i NM i saueklipping på Bokn i september. Han var til stades i samfunnshuset på kulturdagen og fekk overrekt premien av ordførar Tone Vaule.

Leonora var forhindra frå å få premien overrekt personleg. Ho er i full gang med ein ny sesong og var i helga på Geilo for å gå opningsrennet i skiskyting.

Prestasjonane som kvalifiserte henne for innsatspris i år, er følgande:

Viste storform hele helga: Suveren i langrenn, men blinkene sto i veien for storeslem