Herold

Plussgrader, regn og vind kan gjera det utfordrande å gjennomføre Knarren rundt i dag.

Bent Arve (Aia) Bratås skal akkurat til å ta seg ein testrunde for å sjå om det går an å gjennomføre langrennsløpet Knarren rundt når Drangedalsposten ringer rett over klokka 09.00 skjærtorsdag morgon.

– Eg var rundt løypa med tråkkemaskina i natt, men må ha ein testtur med ski nå på morgonen, seier Bratås.

22 påmelde

– Nå er det plussgrader, regn og vind. Det er så utgjort som det kan bli, seier Aia.

Då påmeldingslistene stengde klokka 20.00 i går onsdag var det 22 påmelde til det tradisjonsrike skirennet på Fjågesundheia.

– Nå har me vore så mange i sving i så mange dagar at me håpar på å gjennomføre heilt til startskotet går, seier Cathrine Strandkås, som er i dugnadsgjengen i Knarren løypelag.

Den siste veka har 6–7 mann vore i sving for å førebu Knarren rundt. I går var heile 12–15 personar i sving for å stelle i stand, mellom anna kiosk og stadion, til skiløpet.

– Me har vore uheldige med vêret på renndag skjærtorsdag dei siste åra. Går det i dag, så er alt mogleg å få til, seier Strandkås.